وینزویلا کیلئے ایدھن بردار جہازوں کو کچھ ہوا،تو امریکا کو جواب دیںگے، ایران

0

صدر ڈاکٹر حسن روحانی نے قطر کے امیر تمیم بن حماد الثانی سے ٹیلی فونک گفتگو کرتے ہوئے کہا کہ اگر کیریبیئن یا دنیا میں کسی بھی حصے میں امریکا نے ہمارے ٹینکرز کیلئے مسائل پیدا کرنیکی کوشش کی تو وہ مشکلات سے دوچار ہوجائیں گے۔۔۔

تہران (میزان نیوز) ایران کے صدر حسن روحانی نے امریکا کو خبردار کیا ہے کہ اگر اس نے وینزویلا ایندھن لے کر جانے والے بحری جہازوں کیلئے مسائل پیدا کرنے کی کوشش کی تو وہ جوابی کارروائی کیلئے تیار رہے، پانچ ٹینکرز پر مشتمل جہاز ایندھن کی مشکلات سے دوچار وینیزویلا کی جانب رواں دواں ہے اور وہ کیریبیئن جزیروں کے راستے وہاں پہنچے گا اور ان کی اتوار تک وطن واپسی کا امکان ہے، صدر ڈاکٹر حسن روحانی نے قطر کے امیر شیخ تمیم بن حماد الثانی سے ٹیلی فونک گفتگو کرتے ہوئے کہا کہ اگر کیریبیئن یا دنیا میں کسی بھی حصے میں امریکا نے ہمارے ٹینکرز کیلئے مسائل پیدا کرنے کی کوشش کی تو وہ مشکلات سے دوچار ہو جائیں گے، انہوں نے کہا کہ ایران کبھی بھی کسی بھی تنازع کا آغاز نہیں کرے گا اور ہمارے پاس اپنی خود مختاری اور علاقائی سالمیت کے دفاع اور قومی مفادات کے تحفظ کا قانونی حق ہے اور ہمیں امید ہے کہ امریکا کوئی غلطی نہیں کرے گا، دونوں حکومتوں کے ذرائع کے مطابق ایران، وینزویلا کو 15 لاکھ بیرلز سے زائد ایندھن کی ترسیل کررہا ہے، اس امداد سے دونوں ملکوں کے درمیان اقتصادی سفارتکاری تعلق بھی قائم ہو گیا ہے جہاں دونوں ہی ملکوں کو امریکی پابندیوں کا سامنا ہے، ایران کے تحفظات بے بنیاد محسوس نہیں ہوتے کیونکہ حالیہ عرصے میں امریکا نے کیریبیئن پانیوں میں اپنی بحری صلاحیت میں اضافہ کیا ہے اور اس کی وجہ منشیات کی اسمگلنگ کی روک تھام بتائی گئی ہے لیکن امریکا کے اس عذر سے ایران اتفاق نہیں کرتا، البتہ پینٹاگون کے ترجمان جوناتھ ن ہوفمین نے ایرانی بحری جہازوں کے خلاف کسی بھی قسم کے آپریشن یا کارروائی کے حوالے سے سراسر لاعلمی کا اظہار کیا، وینزویلا کے وزیر دفاع نے کہا ہے کہ جیسے ہی ایرانی جہاز ان کی معاشی حدود میں داخل ہوں گے تو وہ انہیں اپنی حفاظت میں لے لیں گے جبکہ وینزویلا نے امریکی خطرے کے پیش نظر میزائل نصب کردیئے ہیں۔

Share.

About Author

Leave A Reply