ایران کیلئے جاسوسی کا اعتراف اسرائیلی وزیر گونن کو 11 سال قید ہوگی

0

اسرائیلی وزیر پر الزام ہے کہ اُس نے اسرائیلی حکام کی اور حساس تنصیبات کی سکیورٹی کے منصوبوں کی تفصیلات ایران کو مہیا کی تھیں گونن سیگیو نے اقبالِ جرم اسرائیلی حکام کیساتھ ڈیل کے تحت کیا ہے ۔۔۔۔۔۔۔

تل ابیب (میزان نیوز) اسرائیل کے وزیرِ انصاف نے اعلان کیا ہے کہ سابق وزیر گونن سیگیو کو ایران کیلئے جاسوسی کرنے کے جرم کو قبول کیے جانے کے بعد، گیارہ برس قید کی سزا سنائی جا سکتی ہے، گونن سیگیو جو نوے کی دہائی میں اسرائیل کے وزیر برائے توانائی تھے کو ایران نے جاسوسی کیلئے اُس وقت بھرتی کیا تھا جب وہ نائیجیریا میں بحیثیت ایک ڈاکٹر کام کر رہا تھا، اسرائیلی وزیر پر الزام ہے کہ اُس نے اسرائیلی حکام کی اور حساس تنصیبات کی سکیورٹی کے منصوبوں کی تفصیلات ایران کو مہیا کی تھیں، سیگیو کو ایکویٹوریل گنی میں گزشتہ برس مئی میں گرفتار کیا گیا تھا، اُس نے پراسیکیوٹر کے ساتھ ایک ڈیل طے پانے کے بعد جاسوسی کا جُرم قبول کیا، تریسٹھ برس کی سابق اسرائیلی وزیر کو گیارہ فروری کو گیارہ برس کیلئے قید کی سزا سنائی جائے گی، ایرانی حکام کی جانب سے تاحال کسی ردِّ عمل کا اظہار نہیں کیا گیا ہے، سنہ 1979 کے اسلامی انقلاب کے بعد ایران کے رہنما ایران کی تباہی کے نعرے بلند کرتے رہے ہیں، ایران کہتا ہے کہ اسرائیل نے ایک مسلم ملک پر غیر قانونی قبضہ کیا ہوا ہے اور اِسے قائم رہنے کا کوئی حق نہیں ہے، سنہ 2005ء میں گونن سیگیو کو تیس ہزار نشہ آور کیپسولز ڈپلومیٹک پاسپورٹ کو استعمال کرتے ہوئے ہالینڈ سے اسرائیل اسمگل کرنے کے جرم میں پانچ برس قید کی سزا سنائی گئی تھی، اس وقت اس پاسپورٹ کی آخری تاریخ بھی گُزر چکی تھی، سابق وزیر جو کہ پیشے کے لحاظ سے ایک ڈاکٹر ہیں، ان کا اُس وقت ڈاکٹری کا لائیسینس بھی منسوخ کردیا گیا تھا لیکن جب وہ سنہ 2007ء میں رہا ہوئے تو انھیں نائیجیریا میں ڈاکٹری کرنے کی اجازت دے دی گئی تھی، اسرائیلی کی اندرونی سلامتی کے ادارے شِن بیٹ نے گزشتہ برس جون میں اعلان کیا تھا کہ گونن سیگیو نے اقرار کیا تھا کہ اُسں کے ایران سے رابطے نائیجیریا میں قیام کے دوران سنہ 2012ء میں قائم ہوئے تھے اور وہ دو مرتبہ ایران میں جاسوسی کے افسران سے ملنے بھی گیا تھا، مبینہ طور پر گونن سیگیو کو ایک خفیہ اطلاعات پہنچانے کا ایک نظام بھی دیا گیا تھا جس کے ذریعے وہ توانائی کے شعبہ، اسرائیل کی سکیورٹی کی تنصیبات اور اسرائیلی حکام کی سکیورٹی اور سیاسی اداروں میں کام کرنے والے لوگوں کے بارے میں معلومات فراہم کرتا تھا، گونن سیگیو نے اقبالِ جرم اس ڈیل کے تحت کیا ہے کہ اس پر زمانہ جنگ میں دشمن کی مدد کرنے کا الزام ہٹا لیا جائے۔   

Share.

About Author

Leave A Reply